Gure eskola bisitatzera etorri dira Euskal Herriko txoko askotatik

80 irakasletik gora etorri dira gaur arratsaldean gure ikastetxea ikustera. Bereziki Haur Hezkuntzan Mugimendu Autonomoaren antolaketa eta bide batez eskolako beste zenbait proiektu ezagutu dituzte: LHko ekosistemak, baso eskola, urmaela...

Berritzegune Nagusiko Haur Hezkuntzako aholkularien eskutik formazio eta bidelaguntza jasotzen ari gara ikasturte honetan. Hainbat eraldaketa eta hobekuntza egin dira, eta ikasten jarraitzen dugu. Oraindainokoan  ikasi duguna eta gure geletan aplikatu duguna azaldu diegu guregana etorri diren irakasleei.

Hurrengo batean gu joango gara beste ikastetxe batzuk eta bertako irakasleek egindako lana ezagutzera. 

Elkarrekin ikasiz, esperientziak partekatuz eta sarean lan eginez  gure ikastetxeetako ikasle guztiei kalitatezko hezkuntza eskaini nahi diegu.