Elkarrekin hausnartzeko nola dagoen gurean euskal kulturaren transmisoa, kultur kontsumoa eta abar...

Bihar hasiko diren festei buruz aritu dira, besteak beste.

Gehiago jakin nahi baduzu entzun irratsaioa.

Harremanetarako idatzi helbide honetara: irratia@lardizabal.eus.

Arkakuso irratia, egin salto uhinetara!

Eguraldi ederra egin zigun eta 9etan eskolatik atera eta denok elkarrekin abestuz abiatu ginen. 

Bertara iritsi eta hamaiketakoa egin aurretik jolas dibertigarri batzuk egin genituen. Zoragarri pasa genuen!

Hamaiketakoa egin eta ondoren jolastu lagunekin.

13:00ak alderako eskolara bueltatu ginen. Goiz zoragarria igaro genuen!

Eskerrik asko familia zuen eskuzabaltasunagatik.

LANPOSTUAREN EZAUGARRIAK:

• Kontratuaren iraupena: Urritik maiatzera
• Asteko lanorduak: 5 ordu ( 4 ordu ikasleekin arreta zuzenen eta ordubete lan prestaketa edo koordinaziorako)
• Ordutegia: arratsaldeetan (oraindik zehaztu gabe)

ESKATUTAKO BALDINTZA:

• Euskaraz ahoz eta idatziz normaltasunez jarduteko gaitasuna.

AUKERAKETAN KONTUAN HARTUKO DA:

• Zaldibiakoa izatea
• Antzeko lanetan edo hezkuntza gaiekin erlazionatutako lan edo zereginetan aritu izana.
• Eskolako Ikasle ohia izatea.

IZENA EMATEKO: zuzendaritza@lardizabal.eus

Izen emateko EPEA: irailak 25, ostirala (12ak aurretik)

Bertan, zuzendaritza proiektu berriaren aurkezpenarekin batera, eskola komunitatea osatzen dugun eragile guztion garrantzia azpimarratu nahi izan dugu. Guztiok osatzen dugu eskola, beraz, ikasturtero bezala, elkarlanean eta lankidetzan ekingo diogu aurtengo ikasturte berriari. 

Bihar, irailak 9, goizeko 9:00etan irekiko ditugu eskolako ateak.

Ongi etorri 2026-2027 ikasturtera!

Seigarren mailako ikasleek hiru eguneko irteera bat egin zuten ekianaren 10, 11 eta 12an. Hasieran eguraldiak guztiz lagundu ez zuen arren, esperientzia zoragarri bat bizi izan zuten eta amaiera polita eman zioten lehen hezkuntzako etapari. 

Irteeraren antolakuntza osoa, ikasleek eraman zuten aurrera ikasegoera baten bitartez: plangintza, otorduen antolaketa, erosketak, aisialdian zer egin, aurrekontuak... Aurretik lan handia egin zuten hiru egun hauek antolatzen eta horren fruitu da etxera eraman zuten oroitzapen polit hori.

Aralar gehiago ezagutu, mendi buelta luzeak egin, aralarko kobazulo bat ezagutu, ilunabarrak ikusi, jolasak, otorduak prestatu... denetarik egin zuten hiru egun horietan.

Gainera aurten lehenengo aldiz, ikasegoeraren lanketan, auzolana zer den ikasi zuten Iker Iriarteren laguntzari esker. Hori dela eta, Oiduiko txabolaren inguruetan auzolana ere egin zuten, bertako harresia konponduz eta atea margotuz. Lan izugarria burutu zuten!

Irteera honekin amaiera eman diote lehen hezkuntzako etapari. Zoragarria izan da hiru egun hauek elkarrekin igarotzea! Zorte on orain hastear duzuen etapa berri honetan!

Eskarrik asko LH6!!

Atzo kantujiren aurtengo itzulia amaitu genuen. Herriko plazan elkartu ginen ikasle, irakasle, guraso eta herritar ugari eta doinu alaiez jantzi genuen Zaldibiako herria. Kalejiran joan ginen plazara, trikitixa eta atalabaren erritmoari jarraika. Benito Lertxundiren Loretxoa kantatuz ekin genion kantaldiari, eskolako ikasle musikari zenbaitek musika tresnekin lagundu zigutelarik, eta euri tantak ekarri genituen kantura giro beroa pixka bat frexkatu nahian. 80ko hamarkadara salto eginez Hertzainaken Aitormena kantatu genuen, zuzenean biolinaren hots goxoaz gozatzeko aukera izan genuelarik; hori bai pribilegioa gurea! Maketumeren erritmo dantzagarriekin eta Zea Maysen Elektrizitatea abestiarekin borobildu genuen saioa. Eta nola ez, Txoria txoriren doinuekin eman genion amaiera.

Kantatzen duen herria ez delako hilko, datorren ikasturtean gehiago.

Pasa zaitezte eskolatik egin dutena bertatik bertara ikustera, eskolako sarreran aurkituko dituzue sortu dituzten hormirudiak eta hauei dagokien musika entzuteko QR kodeak.

Gure urmaela eta musika, LH 3A:

Gure urmaela, LH 3B:

Arreko basoa, LH4:

Bestetik, gai honen inguruan sinadura-bilketa bat jarri zen martxan, eta Zaldibiako Ausa Gaztelu Familia Elkartea izan da ekimenaren bultzatzaileetako bat. Une honetan, 3900 sinaduratik gora lortu ditugu.
 

Ausa Gaztelu Familia elkarteak, eskerrak eman nahi dizkie, jangelaren aldarrikapena egiteko antolatutako LAPIKOKADAN parte hartu zuten guztiei, baita sinatzeko tartea hartu duzuen guztioi ere.

Ondorengo estekan daukazue Gure Platera Gure Aukerakoei bidali diegun bideoa gure aldarrikapenarekin:

https://youtu.be/z4V-mByNeXc?feature=shared

Bukatutakoan Olaldera joan ginen etxetxoak zuhaitzetan zintzilikatzera. Espero dugu txorientzako babesleku onak izatea!

Eskerrik asko Maite! Goiz ederra pasa dugu.

Aurrez gelan prestatutako galderak egin dizkiegu, eta informazio asko jaso dugu, horrekin lanean jarraitzeko.

Argazki politak atera ditugu, oroitzapenean jasotzeko gaurko bisitak. 

Eskerrik asko hiruroi.

Ibilaldi luzearen ondoren,  frontoian bazkaldu genuen. Berriro ere prest jolaserako!! Bainujantziak gainean, parkera joan ginen hondarrarekin eta urarekin jolastera. A ze gozamena!!

Prestatu eta autobusera!! Nekatuta baino pozik itzuli ginen!! 

Arte ekosisteman mural bat osatu zuten ikasturtean zehar ateratako argazkiekin. Musika gelan, instrumentu ezberdinak ezagutu eta ukitzeko aukera izan zuten. 

Zientzia ekosisteman bingoan jolastu ziren eta liburutegian ipuin kontaketaz gozatzeko aukera izan zuten.

Mila esker ikasturte honetan gurekin arratsalde ederraz gozatzera gerturatu zareten guzti-guztiei. Datorren ikasturtean ere zuen zain izango gaituzue!

Mila esker Luken eta Maialen, izugarri disfrutatu dugu!

Bestalde, sarrera erosi zutenen artean zozketatutako saskia Ixiar Arabaolazari egokitu zitzaion. Zorionak irabazleari!

Ostegun goizean atera ginen urduri eta gogotsu. Aterpetxera iritsi, hamaiketakoa egin eta portuan paseatzeko aukera izan genuen. Bero zegoen eta itzalean lasai bazkaldu ondoren, hondartzan pasatu genuen arratsaldea.

Hurrengo egunean, jolas bat aitzakia hartuta, herriko txokoak ezagutzeko aukera izan genuen.

Egun politak izan dira!

Bertan, hamaiketakoa egin, jolastu eta bazkaldu dute. Hango mahai eta aulkietan eta zuhaitzen babesean fresko eta gustura egon dira. 

Bazkaldu eta pixka bat lasai egon ondoren, kanalaren amaiera ikustera joan dira, zorte handia izan dute, izan ere, bertan bizi den Ramonek kanaleko ura nondik nora joaten den eta urak egiten dituen hiru ibilbideen berri eman die. Horrez gain, kanalaren azken zatia ibilbide pribilegiatu batetik egiteko parada izan dute. Bertan bizi diren animalia eta landareen berri ere eman die. 

Ramon agurtu eta eskerrak emanda, eskolara itzultzeko bideari ekin diote. Hori ere mendi lasterketako ibilbideak egiten duen bidezidor batetik egin dute. Amaieran, Zaldibiako ur sistemaren gaian landutako hiru deposituak (Artxabal, Gorriñe eta Goroskindegi) ikusiz eta bideko baserri zein bideen izenak ikasiz, kantu jolasak eginez eta bero handiari aurre egiteko geldialdiak, hidratazio geldialdiak eginez, eskolara iritsi dira. 

Eskolan, helmuga taldean zeharkatu eta merezitako deskantsua hartu dute. 

Primeran ibili dira, hemen dituzue irteerako zenbait argazki. 

Bidean zehar abestuz, larreetako animaliak ikusiz,... joan ginen.

Behin bertara iritsitakoan, beroari aurre egiteko frexkatu ederra hartu genuen Amundarain errekako ur hotzetan.

Hamaiketakoa egin, indarrak hartu eta berriz ere eskolara itzuli ginen goiz pasa ederra eginda!

Primeran pasatu genuen!!!

Kanpo espazio eta natura batzordeak, zelai berdeko gradak txuriz  margotzen bukatu du. Iazko uholdeen ondoren oso zikin eta lokaztuta zeudenez, ikasleen proposamenez  lehenengo harriak eta lokatza kendu eta ondoren margoketa lanak burutu dituzte. 

Hezkidetza eta elkarbizitza batzordeak berriz, maiatzak 17ko LGTBIQ+ fobiaren aurkako eguna aldarrikatuz, eskolako bi sarreretan eskilarak berriro ere ortzadarraren kolorez margotu ditu. 

Aurten ere lan polita egin dugu batzordeetan, ea hurrengo urtean ere horrela jarraitzen dugun. 

Lehenik eta behin, hiru talde egin genituen eta horretarako, animalia bana eman partaide bakoitzari. Horrela, animalia horren keinuak eginez taldekideekin elkartzea lortu genuen.

Zapoarena, zizarearena eta karramarroarena egin ondoren taldeak osatuta, hiru txoko desberdinetan jolasteko aukera izan genuen. Txoko bakoitzean jolas bana zegoen: 

-Zelai berdean: erraldoiak, aztiak eta ipotxak jolasean ibili ginen. Bi taldetan banatuta, talde bakoitzak bere pertsonaia aukeratu eta ondoren borrokarako prestatzen ginen. Aukeratutako pertsonaiaren arabera beste taldekoak harrapatu edo ihes egin behar genuen. Borrokari hasiera emateko erritual/dantza moduko bat ere egiten genuen beste taldekoak pixka bat beldurtzeko. 

-Psikomotrizitate gelan:  psikomotrizitate saio bat izan genuen. Horma bota eta ondoren jolas librean aritu ginen. 

-Eskola atarian : bonba jolasean parte hartu genuen. Erdian zegoen pertsonak zenbatu eta abisua, arriskua eta bonba esaten du. Bonba esaten duenean baloia duen partaideak eseri egin behar du. Pixkanaka geroz eta jolaskide gehiago esertzen dira amaieran bat bakarrik gelditzen den arte. 

Ederki ibili ginen eta bukatzeko nutela bokadilo eder bat ere jan genuen.

Mila esker ikasturte osoan zehar parte hartu duzuen guztio eta datorren ikasturtean ikusiko dugu elkar! 

Orain gozatu dezatela mendiko larreetan!!

Irina, ura eta legamiak duen indarraz jabetu gara.Ogi masan eskuak murgilduz izugarri gozatu eta ikasi dugu. Osagai gutxirekin elikagai benetan goxo eta osasungarria lortu daitekeela ohartu gara.

Gainera, hamaiketakoan guk geuk egindako ogia dastatu eta gozatzeko aukera izan dugu. Benetan mundiala zegoen!

Eskerrik asko familia!

Lehendabizi ipuin bat kontatu digu. Ondoren gure hortzentzako osasuntsuak diren elikagaiak eta osasuntsuak ez direnak sailkatu ditugu. Osasuntsuak maiz jatea komeni dela esan digu, besteak aldiz, noizean behin. 

Jarraian hortzak nola garbitu erakutsi eta hortzetako eskuila bana oparitu digu.

Oso gustura egon gara zu entzuten. Eskerrik asko Ederne!

Eskolako ikasle guztiak gai honen inguruko ikas-egoerak landu dituzte azken lau asteetan. Haur Hezkuntzako ikasleak urarekin esperimentatzen aritu dira. Gai ezberdinen inguruan hipotesiak egin eta ondoren frogak egin dituzte.

LH 1 eta LH2koak Zaldibiako urak bere sorlekutik gure etxeetaraino egiten duten ibilbidea ezagutu dute eta ondoren ibilbidea mapan markatu dute. Gai honen inguruko mahai jolas bat prestatu eta ipuin bat ere sortu dute. LH3koak aldiz, maketak egin dituzte urak Zaldibian egiten duen ibilbidea irudikatuz (Osinberde, kanala, depositoak, zentrala, Zaldibiako herria eta Legorretako araztegia)

4.mailakoek herriko iturrien katalogoa osatu dute. 11 iturri sartu dituzte katalogoan eta beste 3 ere badirela jabetu dira. Iturri batzuetan konponketa batzuk egin behar direla ohartu dira eta Udal ordezkariei jakinarazi diete.

LH5 eta LH6 mailakoek 2025eko ekainaren 13an herrian izandako uholdeen ondorioetako batzuk aztertu dituzte. Horretarako zenbait elkarrizketa egin dituzte eta hauek entzuteko aukera izan da erakusketan. Herriko uraren kalitatea aztertu dute eta Zaldibiako ura kalitate oso onekoa dela ondorioztatu dute.

Erakusketa irekita egon den astean ikasleak azalpenak ematen aritu dira. Talde batzuek beraien familiak gonbidatu dituzte, beste batzuek aldiz, eskolako ikasle gazteagoei azalpenak eman dizkiete. Eskolako ikasle ordezkariek Udal ordezkariei egin zieten aurkezpena.

Gero, udaberriko altxorren bila ibili gara. Ikerlarien betaurrekoak jantzi eta, basoak eskaini dizkigun hazi, lore, hosto eta fruitu ezberdinak kolorearen arabera multzokatu ditugu…. Bildutakoa behatu dugu eta udaberriak dituen kolore eta ezaugarriez hitz egin dugu.

Jolas librean ibili ondoren 11tako goxoa egin dugu.

Saioari bildutakoarekin barruko ekositemetan lanketa egiten jarraituko dugula adostuz bukatu dugu gaurko baso eskola saioa

Elkarrizketa mamitsua izan da eta laburbilduz hauek izan dira gaiak: Euskadi irratian kazetari bezala egindako lana, kazetaritza ofizioaren nondik norakoak, anekdotak eta Zaldibiako gustuko txokoak, besteak beste.

Astearte goizean ikasle ordezkariak kartelak pegatzen aritu ziren herritik.

Iazko ekainaren 13an izandako ekaitzak eragindako kalteak ezagutzeko asmoz, Iortza baserrira gerturatu gara. Bertan, Irastorza-Trapero familiari elkarrizketa egiteko aukera izan dugu, gau hartan bizitakoa lehen eskutik ezagutzeko.

Familiak ekaitzak sortutako kalteak azaldu dizkigu, eta baserrian utzitako arrastoak bertatik bertara ikusteko eta ulertzeko aukera eman digu. Gainera, bisita goxatzeko, hamaiketakorako sagar zukua ere prestatu digute.

Esker beroenak Irastorza-Trapero familiari, gurekin hain atsegin eta eskuzabal aritzeagatik.